注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

鹞语世界

想飞,那爱的情线却把我牵住……因为,我深深眷恋这片土地……

 
 
 

日志

 
 

第八回(落榜)  

2014-11-04 14:07:32|  分类: 默认分类 |  标签: |举报 |字号 订阅

  下载LOFTER 我的照片书  |
 

上表:陈子龙、李待问进京城会考。柳如是就一个人登勒淀山湖。被松江知府发兹禁止柳如是外出卖书卷、外出参加集会格通告,来寻俚买书卷格人多哉。本来柳如是只是勒海文人圈子里响出名,禁令一发,普通老百姓也晓得哉。天天写书卷卖书卷,还结交兹一点朋友,柳如是也勿觉着呒不劲。一个月过脱咋,两个月过脱咋,春节也过脱哉,陈子龙、李待问一点消息也呒不。柳如是开始急哉,两位阿哥不要半路浪出啥个事体。伍笃如果呒不哉,格么挨个世界浪,我连搭个知音也呒不哉。就算伍笃勿能考着功名,享受高官厚禄,伍笃一定要平平安安回转来。有一日早浪,阿娟突然跟柳如是讲。陈相公转来哉。

下表:倷哪哼晓得陈相公转来格?

上表:我听阿贵讲格。

下表:阿贵哪哼晓得陈相公转来格?阿贵人呢?拿阿贵喊过来。

上表:阿贵跑到柳如是门前。

下表:阿贵,阿是陈相公转来哉?

上表:啊?啥人转来咋?

下表:阿娟勒海旁边讲。倷装啥个戆,倷听啥人讲陈相公转来咋?

上表:啊?分哇?我分听见人家讲陈相公转来哇,我也分讲过陈相公转来哇。

下表:阿娟一把拎牢阿贵格耳朵转转,再朝上一拎。刚刚跟我讲陈相公转来哉,现在又勿承认。爱娘等陈相公格消息等得急杀,倷还要装戆。快点讲,倷听啥人讲陈相公转来格?

上表:啊呀,啊呀,不要拎我耳朵,不要拎我耳朵,我讲,我讲。放脱,放脱。爱娘,我早浪拿我捉着格鱼拿到城东李家桥边浪去卖。卖格时光看见人堆里像生有一个人蛮像陈相公,我追过去看,一看真格是陈相公。我喊俚,陈相公,陈相公,陈相公转来咋。俚头回过来对我看看,又拨转去,走脱哉。陈相公一声勿响走脱,我闷脱哉。几个月前头俚一直要来伲船来寻爱娘,现在看见我赛过陌生人。格个算啥个意思?

下表:格么倷勿会追牢俚跟俚讲,爱娘等兹俚几个月格音讯,等得几花苦啊。倷个呆木头。

上表:陈相公一声勿响走脱,我也勿晓得俚啥个想法。我么跟上去,俚……

下表:陈相公平安回转来就好,不要怪阿贵。俚肯定会得来寻我格。柳如是要紧稳牢下头格人,心里响是穷勿开心格。阿是陈子龙也像宋征舆一样,要我格时光横好竖好,现在考着功名,要去做官哉,不要我挨个青楼出身格女人。还是俚落榜咋,觉着呒不面孔来寻我。

上表:柳如是勒海瞎猜,阿贵一个人跑出去瞎寻陈子龙。阿贵是一个船夫,俚格身份也勿好到陈府去寻陈子龙,格么大清老早勒海李家桥看见陈相公,估计陈相公欢喜到格面去,再到李家桥去等。连续几天勒海李家桥一边卖鱼一边等,碰着格李待问。阿贵赶紧追上去。李相公,李相公,啥时光回转来格?

下表:噢,阿贵啊。昨日刚刚转哇。倷屋里公子阿好?

上表:我屋里公子天天烧香拜佛求两位相公平安回转来,急得勒要生病哉。

下表:陈相公勿是老早回转来哉?俚分来寻柳公子?

上表:伲根本分看见过俚。

下表:噢,我晓得哉。俚就住勒我屋里南园小红楼里响,我去寻俚。倷转去告诉柳公子,我明朝就是拜访俚。李待问回到屋里就去寻陈子龙。子龙老弟,为啥转来过后勿去寻柳弟?

上表:待问兄,小弟无颜见她。

下表:子龙老弟。我落榜过后,也如此想过,但是很快我就想通了,胜败乃兵家常事,落榜勿代表伲呒不真才实学,有啥个了勿起。倷勿能因此辜负柳弟格情意。

上表:俚老早嫁拨周道登为妾,后来被周道登格家主婆迫害,逃出周府,就再也勿想做妾。柳弟对我是有情格,勒海俚为伲送行格日夜里,俚格所作所为我就看出来哉。但是我屋里格情况,老兄倷是晓得格。我家主婆表面贤惠,实际浪阴险狠毒。我如果纳柳弟为妾,我家主婆勿晓得要想出啥个手段折磨俚,说勿定要拿柳弟害杀。柳弟是个才女,我想我就此与柳弟断绝来往,让俚对我死心,俚就会寻一个好男人嫁脱。

下表:老弟啊老弟。倷与柳弟就此断绝来往,俚要几花伤心。倷阿晓得,伲勿勒海格日脚,柳弟天天烧香拜佛求伲平安回转来。倷阿记得柳弟送别伲格日夜里,为伲唱格两只曲子,实际浪是为倷唱格,俚对倷是有情格。倷一声勿响,与柳弟就此断绝,柳弟会哪哼想?俚会认为倷搭宋征舆格个小赤佬一样,要俚格时光天好地好,对俚馋是好,勿要俚格时光随手一丢,赛过分有过柳如是格个人。格么俚今后还好相信哪个男人,俚还愿意嫁拨哪个男人。

上表:格么老兄倷讲我哪哼办?

下表:老兄我想成全伍笃两人格姻缘。

上表:待问兄有何良方?

下表:伍笃可以先斩后奏。我拿南园小红楼借拨老弟搭柳弟居住。倷搭柳弟既成事实,嫂夫人也勿得勿承认伍笃格婚事。

上表:这个……

下表:就这么定了。子龙老弟,柳弟是一块无价璧玉,倷如果能为俚揩去尘土,俚定会显出不凡之相。

上表:呵呵。挨个馋是我劝宋征舆格闲话,老兄现在对我讲哉。

下表:有佳人陪读,老弟格才思定为锦上添花。几花文人馋求之不得。老弟倷就勿要犹豫哉,就挨样定吧。

上表:这个……

下表:就挨样定吧。

上表:待问老兄啊。倷格好意,我晓得。我从来分对哪个女人有过像对柳如是格感情,宋征舆格个小家伙欺骗柳弟,最勿开心格是我。俚是我格知音,我也勿想失去俚。但是我还要考虑到今后,我勿想让柳弟一世受到我现在家主婆格迫害。

下表:哎——身为大丈夫,要考取功名,治理天下格,勿见得连搭自家家主婆也管勿了。宋府终归是倷屋里,倷终归是宋家格主人,老爷,我勿相信,倷管勿好自家屋里。

上表:呃……

下表:勿要呃哉,就挨样定哉。

上表:那……

下表:那我就要去寻柳弟说媒哉。

上表:那——小弟就多谢待问兄了。

下表:我现在就去寻柳弟,我要成全伍笃格姻缘,当伍笃格月老。

上表:陈子龙讲勿出闲话,朝李待问点点头。

 

  评论这张
 
阅读(44)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017