注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

鹞语世界

想飞,那爱的情线却把我牵住……因为,我深深眷恋这片土地……

 
 
 

日志

 
 

第十五回(变故)  

2014-12-04 13:27:15|  分类: 默认分类 |  标签: |举报 |字号 订阅

  下载LOFTER 我的照片书  |
 

上表:绛云楼烧脱过后,知县查勿出钱谦益宋版《汉书》格去向。出卖收藏品,为叛军筹集军费格案件缺乏依据,勿了了之。钱谦益一家逃过一劫。这辰光的抗清军已节节败退,只剩郑成功带军队退守台湾,苟延残息。大势所趋下,柳如是、钱谦益的努力也越来越力不从心,心灰意冷下头,钱谦益登勒屋里做在家居士,吃素念佛。过去的这帮文人雅士早就各奔东西,没有了联络,只听讲,陈子龙在一次抗清的斗争中,牺牲了。柳如是按捺住暗暗的心痛,平静的养儿哺女,支撑家管,只有在空余辰光念书写文,抒发自己内心的感受。一晃,一家人安安逸逸十六、七年过去。柳如是送走了辞世的陈夫人,为陈夫人和钱谦益的儿子钱孙爱讨好仔家主婆,让自己搭钱谦益的亲生囡唔招仔个上门女婿。一家人也算合合满满。这日仔,柳如是还在书房里理书,家仆急匆匆来禀报(白):老爷有点不对哉,俚要寻倷,夫人快点去看看老爷吧。

下表:柳如是赶紧到钱谦益格房间。钱谦益躺勒床浪,迷迷糊糊像生有点知觉。

上表:(白):夫人来咋?

下表:(白):相公,我勒海挨搭。

上表:(白):夫人,今朝我感到不对,挨两天夜里一直做梦做着,我房间门分开,有两个人穿过门飘进来,手里拿格镣铐,喊我跟俚笃走。我问俚笃是啥人,要我到哪搭去。俚笃讲俚笃是来跟我领路格,要我回转去。讲我勿少老朋友馋勒海等我。我问俚笃啥个老朋友,俚笃报兹勿少名字,馋是抗清死脱格。我晓得我要去哉。

下表:柳如是一听,是不对或。挨个是啥?回光返照或,脑子里勒海见前头死脱个人哉。看俚神色,面无血色,灰头落面。我心里急,面郎不好急个,(白):相公,挨个就是梦,呒不啥意思,倷勿要瞎想哉。我已经派人去杭州、苏州请名医哉。倷格病会得好格。

上表:(白):夫人,倷勿要安慰我哉,也勿要喊人去请名医哉。我要搭倷讲的是,谢谢倷这辈子陪伴我。(表)各位看客,按道理,这里要安排一段唱词哉,个么,今朝就不唱哉,为啥?倷想啊,钱谦益死也要死快哉,那哼还有力气来唱歌?讲闲话也奄奄一息哉,所以,我不好唱个。(白)是倷,让我明白仔一个人做人的道理,感到了人生的价值。是倷,拿我钱家安排得妥妥帖帖,兴兴旺旺,我是一辈子在心里感激倷。

下表:挨个辰光哉,倷就勿要表白哉,(白)相公,倷讲勿懂就勿要讲哉,我柳如是跟仔倷老爷,也是我的福气。倷看倷个儿子,多少孝顺,善良,我搭倷个囡唔,多少标志,漂亮,聪慧。我伲不是讲好个么,等开春仔,一家门还要去太湖走走。

上表:这次,我真的走不动哉,老祖宗勒海喊我哉。我老早应该死勒南都,清军围攻格时光。我苟且偷生到今朝,我恨我自家当时分听倷格劝,挨个是我今世最大格污点。我下兹阴曹地府,哪哼有面孔去见格点老朋友啊。阎龙王勿判我下地狱,俚笃也要拿我敲杀再喊我下地狱格。嗯——嗯——

下表:(白):相公。人生在世,孰能无过?过而能改,善莫大焉。挨点年数,倷支持抗清军格行动已经拿老早格罪淘脱哉。

上表:(白):夫人,污点永远淘勿脱格。格时光跳兹湖,几——花——好啊!后悔,后悔!呵——嗯——呵——嗯(喘气),伍笃又来咋,来带我走格?钱谦益慢慢叫眼睛闭牢。呵——嗯——呵——嗯——只有喘气格声音。

下表:柳如是捏牢钱谦益格手慢慢叫变冷,肚皮浪一凸一凹格呼吸停哉。家仆馋跪勒地浪哭哉。呵——嗯——呵——嗯——老爷,醒醒——柳如是紧紧抓牢仔老爷的手,一滴眼泪也分流,人悲伤到极点,也哭勿出哉,再讲俚要赶紧主办丧事,勿好拼命哭。(白):阿娟,去喊少爷、小姐过来,准备丧事。

上表:钱谦益屋里勒海办丧事,三七也分过勒,钱家别墅芙蓉山庄格看门家仆跑过来寻柳如是。(白):夫人,钱万青带人拿芙蓉山庄封脱咋。

下表:钱万青是啥登样角色?按现在讲不就是家族里一个秘书么长么,(白):让俚笃去封,等丧事过后再处理挨桩事体。

上表:柳如是想等办好丧事再对付氏族要夺钱家财产的事体,勿晓得钱万青带兹人冲进钱家。俚笃拿柳如是个心腹家仆阿娟、阿贵捉到钱谦益格牌位前头,揿勒地浪拿棍子拷。

下表:柳如是晓得要紧赶过去。(白):停手!勿许拷人!拿俚笃放脱!

上表:钱万青一看柳如是来哉,蛮好。(白):停手。可以。拿银子交出来,我就放脱俚笃。

下表:(白):交啥个银子?啥人欠伍笃银子?阿娟跪勒地浪讲哉。(白):俚笃讲钱家格金银财宝馋勒海伲手里,逼伲交出来,勿然就要拷杀伲。柳如是一听么火哉,老爷刚刚过世三七分满,伍笃就来夺家产,还加明目张胆格抢格。(白):老爷刚刚过世,尸骨未寒,伍笃就来夺家产,还敢来抢,无法无天哉。钱万青,倷——

上表:(白):抢?尚书大人生前欠兹氏族勿少铜钿,伲是来讨债格。

下表:(白):老爷生前格家产账目,馋是我管格。伲老爷从来分欠过啥人铜钿。敢勒海挨搭无理取闹。钱五,喊所有家仆拿好棍棒过来,拿俚笃打出去。

上表:钱万青听见柳如是要喊人来打么有点吓哉(白):且慢。族长大人喊伲来讨债,是有依据格。

下表:(白):依据,格么拿伲老爷格借据拿出来。

上表:(白):哼!借据自然会拿出来。但是柳如是,倷就勿要端倷格套大夫人格架子哉。伲钱姓家族只有一个大夫人,陈夫人老早过世。青楼女子哪哼可以做大夫人,做妾倒勿搭界格。妾搭奴婢格地位一样格,倷还是回到倷原来格身份上头去吧。

下表:(白):钱万青,倷讲啥个?!柳如是听见钱万青格样讲么,头一晕,掼倒勒地浪。(阿娟白):夫人。阿娟看见柳如是掼倒要紧拿人家推开去抱柳如是起来。

上表:钱万青也勿要紧喊人拿阿娟揿牢,看柳如是格样狼狈,让俚笃去,再拨柳如是点打击。对牢边浪格人喊(白):拿找管带过来!赵管是啥人,赵管是柳如是囡唔格男人,钱家格上门女婿。赵管一身披麻戴孝,被人拖到灵位前头。钱万青走到赵管面前,一面孔格高高在上。(白):姓赵格,倷听好,挨搭是钱家,哪哼可以让倷格外姓人登勒海!来分钱家格家产格?限倷夫妻两人七日之内离开,勿走,打伍笃出去。

下表:钱万青一讲,赵管也勿服气。(赵管白):伍笃是无法无天咋!挨搭是我丈人屋里,除脱岳母,还有我小舅子孙爱。我留勿留挨格屋里,伍笃管勿着。

上表:(白):小贼倷敢还嘴。来人,拿俚拖过去,搭阿娟一道敲!

下表:柳如是从阿娟手臂浪立起来。(白):啥人敢动!钱五,拿家仆去喊过来。

上表:(白):伲勿敢动!?告诉倷柳如是,我是为少爷钱孙爱说闲话格!俚才是钱家真正格主人!

下表:啥个!为钱孙爱说闲话?钱孙爱虽然勿是我养格,但是我搭俚相处一直蛮好,俚待我也赛过亲生娘。哪哼俚爷刚刚走,俚就喊族人来赶我走哉?

上表:正好柳如是呆脱格时光,灵堂外头有人勒海喊。(白):让开,伍笃跟我让开。钱孙爱进来哉。钱孙爱看见一帮人围牢柳如是指指点点,跑上去拿俚笃拖开。(白):勿许动手!走开!朝后退!钱万青看见钱孙爱来哉,闲话客气哉。(白):少爷,我是来帮倷格。钱孙爱勿睬俚。(白):钱五,去喊人过来。啥人敢对我娘勿敬,动手格,手敲到烂脱,乱讲闲话,掌嘴掌到变成哑子。钱万青。(白):哼!倷娘?倷娘是大人家出身格陈夫人,俚老早驾鹤西去哉。现在挨个是倷爷格妾,艺妓出身格妾。(钱孙爱白):万青阿哥,俚是我爷明媒正娶格夫人,待我赛过亲生格。俚就是我名正言顺格娘。我敬倷辈分比我大,喊倷一声阿哥。刚刚我已经让倷哉,倷再口出狂言,勿要怪我勿客气。被钱孙爱格样一喊,来闹格人勿响哉。本来俚笃借帮钱孙爱夺回家产格理由来闹,格样一来,钱万青要下勿了台哉。(钱万青白):真格呒不出息。倷还好算个钱家子孙勒。(钱孙爱白):万青阿哥!(语气轻飘飘)格一年,倷爷赌博输脱铜钿,敲兹巡抚格少爷,诬告倷爷谋反,判伍笃满门抄斩,我爷拼力相救,伍笃全家才活下来。倷爷求我爷救俚,我爷怕受牵连,勿大肯,还是我娘鼓励我爷,出兹勿少主意,才保牢伍笃钱家格。万青阿哥,倷格良心馋赌铜钿赌输脱咋?钱万青被钱孙爱讲得勒低好头勿敢响。被族人晓得俚格样忘恩负义,下来要勿好做人格。(钱万青白):钱少爷,挨个勿是我格主意,挨格馋是我们的族长,也是当朝的按擦史格钱横的主意。

下表:柳如是懂哉。按察使就是前头讲过个松江知府钱横。清军南下时,俚第一个投降,得到仔朝廷的重用。作为钱氏家族的官场人物,俚自然成为了新格族长。现在要来封山庄的就是钱横么,柳如是心里一个咯噔。过去几十年,我搭钱横恩恩怨怨,因为有着钱谦益长辈和前朝老臣的面子,却始终没让他得手,现在今非昔比,俚要借阴头来寻事体,俚要来封伲格山庄。老爷尸骨未寒,俚就来封伲山庄。俚是来夺家产格?少爷钱孙爱天生懦弱,帮勿着啥个忙,老爷过世,我就是一个女人,俚笃说勿认我就勿认我。看来是凶多吉少。馋是钱横指挥格,目的就是要夺钱谦益格家产,还要报我老早得罪俚格仇。(白):儿子,既然是族长派万青来讨债格,也勿要危难万青哉。欠债一定要还格。我相公欠格债我来还。万青,倷转告钱横,就讲伲一定会还清欠族长格债格。现在屋里呒不现成格铜钿银子,从绛云楼里响抢出来格宋版书还有几钱卷,让俚明朝带好借据,到荣木楼来。一手交书,一手收回借据。

上表:柳如是拨兹钱万青一个台阶,钱万青要紧。(白):好各,我一定转告。说完要紧走脱。

     各么,柳如是如何应对钱横故意报复和恶闹?俚那哼为仔钱家保牢家产而抗争?请听下回分解。

 

 

  评论这张
 
阅读(65)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017