注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

鹞语世界

想飞,那爱的情线却把我牵住……因为,我深深眷恋这片土地……

 
 
 

日志

 
 

孽生缘  

2014-10-27 15:17:41|  分类: 默认分类 |  标签: |举报 |字号 订阅

  下载LOFTER 我的照片书  |
 

第五回(暗恋)

上表:柳如是卖书赈灾格活动过脱姆拨几日天,文士格交过来格请帖又堆满一台子。

下表:柳如是一个人盖勒床浪瞎想。我对宋征舆有种蛮难为情,又会一直屏勿牢要想着俚格感觉。我是一个女人,我一直想有一个好格男人关心我,爱护我,也能理解我,让我托付终生,但是我也怕。徐娘老照跟我讲过,不要随便相信男人格感情,不要随便对哪个男人产生感情。格种男人要倷格时光花言巧语样样肯做,等到得到倷人过后又对倷勿理勿睬。征舆如果真格对我有感情,我何勿利用格点文士格约请,搭俚笃游览山水,作诗弹琴,看看征舆啊吃醋,如果俚吃醋,说明俚心里有我,如果勿吃醋,格么俚也只不过一个风流文士,不要去多应付俚哉。

上表:柳如是按照发过来格请帖一个一个会约。搭格点文士弹琴唱曲,作诗作词,吃酒游景。但是搭俚笃笑而勿亲,就跟男性朋友搭男性朋友一道拨相一样。迪为勿见宋征舆,宋征舆每次送请帖拨柳如是,船老大馋回答俚搭哪个相公拨相啥场花哉,搭哪个公子会面吃饭哉,搭啥人去寺院拜佛哉。宋征舆听见挨样,气得勿得了,回转去觉也困勿着,饭也吃勿好,书也姆拨心思读。总算有一天,宋征舆火哉,屏勿牢天也分亮跑到柳如是停船格场花。柳如是格船半夜里停勒湖当中,为兹防止贼骨头强盗偷偷叫到俚船浪去。宋征舆登勒岸浪等柳如是格船靠岸。

下表:柳如是也看见宋征舆哉。

上表:船伯伯跟柳如是讲,爱娘,宋公子勒海湖边浪等,伲拿船划过去吧。

下表:不要划。

上表:大清老早风蛮冷,宋征舆硬劲屏牢。船伯伯看见有点勿舍得。河东君生病哉,勿能会客,宋公子改日再来吧。

下表:请船公拿船划过来,我马上去请郎中。

上表:柳如是要紧搭船伯伯讲。白:就讲我病重,怕晃,船勿好靠岸。船公白:宋公子,河东君病重,怕晃,我勿好摇船。宋征舆听见柳如是病得格样,要紧勿杀跳到湖里,朝柳如是格船游过去。

下表:柳如是看见宋征舆格样奋不顾身,有点心痛哉,喊船伯伯拿船摇过去。

上表:船伯伯搭阿贵两个人要拉宋征舆上去,宋征舆还要。白:哎,勿碍格,自家来。

下表:柳如是看看宋征舆一身潮,作孽哉。宋公子,盎吃着水,盎冻着。

上表:宋征舆冷得要命,调头也变脱哉。哎,勿碍勿碍。柳兄倷生啥个病,我马上带倷去看郎中。

下表:阿娟,去拿一件男装出来,阿贵,帮宋公子换好衣裳。

上表:阿娟跟阿贵还分回应。勿用勿用,一点潮湿,晾晾就干。倷到底生格啥格病?走呢,带倷去看郎中呢。

下表:我勿去看,倷先拿衣裳换好,我去帮倷烧碗姜汤。

上表:哎,换啥个衣裳,一点潮勿碍格。倷病得船晃也难过哉,勿看郎中哪哼来。

下表:啊呀,我勿碍格呀。倷快点换衣裳呢。

上表:我勿换,倷跟我去看郎中。

下表:啊呀,宋公子,我分生病呀。

上表:啊,倷分生病。

下表:倷快点拿衣裳换脱。

上表:宋征舆听见柳如是骗俚格,一点也勿动气。哈哈哈,柳兄啊,原来倷没有生病,跟我出噱头啊。难怪陈兄、李兄说倷是格奇才,果然出招不按常规。哈哈哈。

下表:快点换衣裳吧。

上表:不用不用,晾晾就干,再讲柳兄格衣裳,我哪哼好随便用呢。

下表:柳如是急是急得勒,拨转头朝旁边一立。啊呀,阿贵,帮宋公子换衣裳,勿换好倷就不要离开宋公子,不要吃饭。

上表:宋征舆一看勿好,要弄僵格哇。那我就恭敬勿如从命。

下表:衣裳换好,柳如是拿一碗姜汤拿过来,宋公子,快吃吧。

上表:多谢柳兄。宋征舆拿碗放勒台子浪,拿勺一勺一勺盛兹吃,每次只盛半勺。

下表:宋公子,拿碗拿起来吃吧,不要讲究啥个礼节哉。

上表:哎,不可不可。好坏我乃一介文士,怎可勒海柳兄面前失礼。

下表:柳如是觉着挨个宋征舆赛过格小人,恨勿得拿碗一把抢过来喂俚。再看看宋征舆格面孔,实在是标致,格样好格面孔哪哼会长勒一个男人身浪,如果说拿倷格面孔借拨我老早格手帕姊妹,勿晓得是我吃香还是赅着倷面孔格姊妹吃香;还有格只手,一般男人格手保养得再好,总归有点粗气,要是拿帘幕拿倷全身遮脱,只伸只手出来,人家看看还真当兹倷是个女人勒;吃汤还要半勺一盛,有种女人也姆拨倷格样细气。格么想归想,勿好格样讲格哇。勿好讲么,哪哼讲。宋兄真是一表人才。

上表:柳兄过奖过奖。说来惭愧,祖上三代为官,我至今还分考取任何功名,空有抱负而已。说完要拿勺放到碗里,算吃好哉。

下表:我勒海讲倷漂亮,倷勒海讲读书。格么蛮好。趁俚手分拿勺全部放到碗里,手伸过去拿碗收脱,碰碰宋征舆格手。喔哟,真格细气格,皮肤滑得勒要跟我格一样快哉。被要假装冷静格哇。宋公子勿需自责,姜子牙八十三岁受周王重用,倷方二十出头,定会有一番作为,功成勿在年龄,有才之人定会受到重用。

上表:宋征舆听见柳如是讲俚好闲话,开心得勿得了。柳兄真是我格知音。

下表:宋兄上次卖书会浪,要买格我格《杨花》,我还分拨倷,现在我就写拨倷。柳如是拿《杨花》书卷写好。宋兄倷看此书卷怎样?

上表:好,好。柳兄诗词写得好,书法也好。两个人一直谈笑到中浪,宋征舆转去哉。

 

 

  评论这张
 
阅读(40)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017